Lasin

Nú líður mér illa, lasin er ég

allskonar verki og kvilla hef ég....

 

Já, ég á ekki 7 dagana sæla núna.  Er með ógeðslegan hósta sem er að gera útaf við mig og svo er ég að fá hita.  Búin að vera með þennan hósta frekar lengi en nú ákvað hann að versna..  Dreif mig til doktorsins í morgun og hann skrifaði upp á Parkódín fyrir mig (sem er víst orðið lyfseðilsskylt) og svo fæ ég einhverja aðra hóstamixtúru en Pektólín.  Það er nefnilega að gera óskup lítið fyrir mig.   Svo ég ætla að vera heima á morgun og þá er ég vonandi bara orðin hress á fimmtudag.  Sammála??? 

12 vikna frænkuátaki lauk á sunnudaginn með mínum sigri að sjálfsögðu og í þetta sinn verða bikiní í verðlaun, maður verður nú að geta spókað sig...  Svo er hafin önnur keppni með þeim sem vilja vera með og stendur hún í 4 vikur.  Svokallaður "frænkusprettur", þá er rauðvínspottur í verðlaun og já ég ætla að vinna hann líka.  Ekki spurning.. þrátt fyrir að þær séu nú svolítið lúmskar og byrji á meðan ég er veik!!! Ég hef sko plan í huga sem kemur mér framúr þegar ég vil. ;)

 

Ingólfur og Hafrún...sá danski... that's for me to know and you to find out.

 Þórunn... þú hefur ekki efni á þessari sögu.

Guðrún Ósk þú verður að láta fylgja hvað einkanúmerið er, já og takk fyrir hrósið.  Ég var mjög ánægð með þennan kjól og bíð eftir tækifæri til að nota hann aftur.  En hvenær eigum við svo að plana heimsókn?? 

 Annars mest lítið að frétta, skjáumst síðar

 

Lilja lasna 

 

 

 

úfff...

Svakalega er erfitt að koma sér að því að skrifa eitthvað hérna. 

En.. fór suður á síðustu helgi á magnaða tónleika með Sálinni hans Jóns míns og nú bíð ég spennt eftir að dvd diskurinn komi út.  Ætla SKO að kaupa hann þegar að því kemur.  

En er að fara suður aftur um helgina og nei ég hitti ENGANN sem ég er að eltast við.  Ég sá bara fram á að það yrði meira fjör í borginni hjá mér heldur en hér heima.  Þrátt fyrir að fullt sé að gerast hér eins og Skiðavikan og Aldrei fór ég suður rokkhátíðin.  Þar sem er að fara "á móti umferðinni" fékk ég flugið fram og til baka á 9000.- og finnst mér það nú bara vel sloppið.

 

Þvottavélin mín er ekki í stuði núna.  Hún vindur ekki þvottinn eins og lög gera ráð fyrir að hún geri.  Veit ekki hvað er að plaga hana en dettur í hug að einhver stífla sé fyrir hendi.  En.. það er bara ekkert sigti til að tæma og hvað gera bændur þá ??  Á einhver þarna úti "General Electric" þvottavél sem hefur lent í þessu sama??

 

Jæja ég er ekki að nenna þessu, læt ykkur vita ef ég finn "mr. right"  í höfuðborginni.

 

Kveð að sinni

 

Í sandölum og ermalausum bol..

Það má segja að þannig hafi ég farið í vinnuna einn daginn í þessari viku.  Reyndar voru það nú strigaskór og flíspeysa en það er aukaatriði, því aðalmálið er að þegar ég fór út að morgni í vinnu var hið besta veður en þegar ég var á leið heim var búið að snjóa allt í rot og snjóaði enn.  Ég varð næstum því úti á leið heim og ekki er leiðin löng.  Svala var nú samt svo góð að bjóða mér far heim (sem ég reyndar þáði ekki) en já ég varð næstum úti. 

Frost er úti, síðan um jól

fer þessu ekki að linna

Ég ligg undir sæng og bíð eftir sól

Þarf ég nú gleðina að finna.

 

En það er ei auðvelt, því illa ég heyri

veðrið það skellur á gluggann.

Í draumórum mínum suður ég keyri

og helli mig bliiiin fullann.

 

Þessari fínu vísu stal ég af blogginu hennar Söru Sturlu.  Vona að það hafi verið í lagi ;)

 

                                                                                                                    

Ég á afmæli í dag

Já loksins loksins, eftir að hafa beðið í heilt ár eftir þessum afmælisdegi er hann nú loksins runninn upp.  Af hverju er ég búin að bíða.... jújú.. nú fæ ég LOKSINS að eiga "dirty sex" í heilt ár.  Það er nú ekki amalegt. 

Dagurinn er annars búin að vera mjög góður.  Ég mætti í morgun í vinnuna með kræsingar sem vel hefðu dugað fyrir heilan her.  Veit ekki alveg hvurslags átvögl ég hélt að væru að vinna með mér.  En við borðum þá bara afganginn á morgun.  

 Vöfflupartý á laugardaginn fyrir fjölskylduna og hugsanlegt afmælisdjamm með Hildi Sól á laugardaginn.

Annars er dagurinn bara búinn að vera góður og ég þakka Hildi Sól og Einari kærlega fyrir pakkann sem ég fékk í dag frá þeim og svo auðvitað fá allir eitt stórt TAKK fyrir allar kveðjurnar í dag.

 

Svo er ég búin að panta miða fyrir okkur Unnu Siggu á 20 ára afmælistónleika með Sálinni þann 14 mars í Laugardagshöllinni.  VÚHÚ.... can't wait....  Djö skal verða gaman þá.  Svo já það verður næsta ferð til Reykjavíkur og í þetta sinn verður Jónas greyjið skilinn eftir til að passa húsið ;)

 

 

Skjáumst síðar 

Tónleikarnir búnir

Þá fer nú að verða aðeins minna að gera hjá mér.  Hátíðarkórinn hefur lokið sínu verkefni og söng með Sinfóníuhljómsveit Íslands í Íþróttahúsinu á Torfnesi, Ísafirði sl. fimmtudag.  Það er óhætt að segja að það syngja með svona stórum kór (næstum 100 manns), sem er samansettur af úrvalssöngfólki sem kann að syngja og getur sungið í kór, og svona stórri hljómsveit og magnaðri sem Sinfóníhljómsveitin var er alveg ólýsananleg tilfinning.  Ótrúlega gaman, ég sam var nærri því búin að gefast upp þar sem að ég var alltaf svo hrikalega þreytt á æfingum eftir jólin.  Var bara svo lengi að snúa sólarhringunum við.  Þennan dóm fengum við:

 

Veglegasta tónveislan var síðast á efnisskránni, Gloria eftir franska tónskáldið Francis Poulenc, meðlim „hinna 6“ ásamt Milhaud og Honegger. Glæsilegur hátíðarkórinn söng af augljóri einbeitni og ríkri hljómfegurð. Allar innkomur voru skýrar sem og skemmtilegar franskar framburðaráherslur á latneskum textanum. Rödd Ingunnar Óskar Sturludóttur mezzosóprans er hljómrík og afskaplega þægileg áheyrnar, og ólíkt mörgum söngkonum lét hún ekki þrungið víbratóið eitt og sér sjá um ómun raddarinnar. Sinfónían lék frábærlega vel og mætti lýsa heildarflutningi verksins sem tónlistarsigri.

Sjaldan hefur undirrituð upplifað jafn jákvæðar viðtökur tónleikagesta, og það í jafn fámennu samfélagi. Óhætt er að fullyrða að óvíða annarsstaðar á landinu sé hægt að hóa saman jafn stórum og vönduðum kór með jafnmiklum metnaði. Tónlistarlífið á Ísafirði er hreint með ólíkindum og báru tónleikarnir því glæsilegt vitni.

Alexandra Kjeld

 

Ekki slæmt það.

 

Nú er svo þorrablóts undirbúningur í fullum gangi svo það er enginn tími til að blogga.  Vildi bara segja ykkur frá því hverju þið, sem ekki sáuð eða heyrðuð þessa tónleika, misstuð af. ;)  

 

Kv. Lilja 

 

 

Af hverju ???

Það sem ég skil ekki er að það virðist sem foreldrar stúlkunnar hafi ekki verið látnir vita þegar málið gerðist.  Hvernig stendur á því??

Foreldrar slegnir óhug

Jólin búin...

og frænkukeppnin að byrja aftur.  Ekki veit ég hvað hún á að standa lengi í þetta sinn en ég skal vinna hana aftur.  Ekki spurning, sérstaklega þar sem verðlaunin voru svona glæsileg síðast.  Maður er nú reyndar búinn að hafa það svo gott yfir jólin, borða, sofa og liggja í leti, borða nammi, drekka gos. Ummmm.... þvílíkt sældarlíf sem þetta er búið að vera En ekki laust við að manni finnist maður allur vera að linast upp.  En nú er það bara alvara lífsins all over again.

 Sallý er að koma í pössun til mín og verður í u.þ.b. tvær vikur fyrir utan þann tíma sem ég er svo búin að fá pössun fyrir hana hjá Hildi Sól. á meðan ég fer suður.  Það verður sjálfsagt skrýtið að þurfa að bera ábyrgð á einhverjum öðrum en sjálfum sér í allan þennan tíma, allan daginn, ALLTAF, gefa henni að borða, fara með hana út að labba, láta hana út að pissa osfrv.   En þetta verður nú samt bara gaman. 

 

Var á spilavist í kvöld hjá kvenfélaginu, en vann ekki :( munaði 4 stigum á mér og Sigrúnu mágkonu sem var hæst.  En bíði hún bara, ég vinn hana bara næst...

Skjáumst síðar 

 

 

Áramót

Jæja þá eru áramótin búin, þau fóru nú bara bærilega fram.  Við Sólveig Kristín fórum á Kaffi Edinborg þar sem ekkert ball var haldið hér og því allt frekar skrýtið.   En um leið og við vorum komnar yfir fórum við að hugsa að kannksi hefði bara verið betra að vera heima í partý.  Sátum þarna eins og álfar út úr hól því við nenntum ekki að hreyfa okkur.  En þetta var nú ekkert leiðinlegt samt því við höfðum félagsskap hvor annarrar.

Nýárskjúklingurinn árlegi sem alltaf hefur verið á Aðalgötunni hjá mömmu og pabba var haldinn í Hjallabyggðinni hjá Sigrúnu og Guðna þetta árið, þar sem mamma er búin að vera lasin öll jólin og ekki á hana bætandi að fá 20 manns í heimsókn.  Hún kann heldur ekki að slappa af heima hjá sér og láta aðra um verkið, svona er að vera húsmóðir af gamla tímanum. ;)  En bragðið af nýárskjúklingnum er ekki eins og af öðrum kjúklingum, það er alveg á hreinu og það tókst að færa þetta bragð með kjúklingunum í Hjallabyggðina.  Mikið ljómandi var þetta nú allt saman gott.

Ég stefni á Reykjavík í janúar, spurningin er hvenær... einhver með hugmynd???  Gæti auðvitað bara skellt mér nú um helgina, nú eða þá 11-13, en þá verður Sallý komin í pössun hingað og það gæti reynst erfitt að fá hundapössun, en samt er ég varla að nenna þessa helgina.  Æi.... ég veit það ekki, þetta verður bara að koma í ljós.

 

 

Áramótakveðja

Kæru ættingjar og vinir sem og aðrir landsmenn sem hingað rata inn.  Ég óska ykkur öllum gleðilegs árs og friðar 2008.  Þakka fyrir árið sem er að líða og vona að nýja árið færi ykkur öllum birtu og eintóma gleði og hamingju.

yours truly

Nýr staður ??

Það hefur alltaf reynst mér heilmikið mál að setja inn myndir á blog.central kerfið þar sem ég hef verið að blogga.  Nú ætla ég aðeins að prófa að skipta og sjá hvernig þetta virkar og ef mér líkar þetta vel held ég mig bara hér.

Á þessari mynd má sjá það sem ég fékk í verðlaun fyrir frænkuátakið mikla sem stóð frá 1. okt til 22. des.  Já þetta var hringur og armband með hraunkúlu og þar sem ég vann kílóakeppnina líka (missti 4,5 kg) þá fékk ég líka aukaverðlaunin sem voru hálsmen í stíl við allt hitt, þ.e. hraunkúla með silfurhúðuðu roði.  Ótrúlega flott og hér með, færi ég hinum keppendunum bestu þakkir fyrir að hafa verið latar, jah eða allavega ekki nógu duglegar.  Svo mikið er líka víst að ef verðlaunin eru alltaf svona þá skal ég sko MALA þær í "bikini" keppninni nú á vorönn.

                                               

Annars er ég búin að hafa það mjög gott yfir jólin.  Við mamma, pabbi og Einar vorum öll í Hjallabyggðinni hjá Sigrúnu og Guðna bro. á aðfangadagskvöld ásamt Sólveigu Kristínu.  Borðuðum þar kalkún (rosalega góðan) og opnuðum pakkana þar.  Þetta var auðvitað það eina sem vit var í fyrst að þau voru svona fá og við svona fá líka. Og bara notaleg stund þar til haldið var í kvöldmessu kl. 22:30.  Þetta er í fyrsta skipti sem ég hef farið í kvöldmessu á aðfangadag, og óhætt að segja að það var svolítið skrýtið að vera búin að borða og opna pakkana þegar kom loksins að því að syngja "Heims um ból, helg eru jól".  Það var líka sérstakt að óska fólki gleðilegra jóla um leið og maður mætti í kirkjuna en ekki eftir messuna.  En þetta hafðist nú allt saman.  

Nú tekur svo alvara lífsins við aftur á morgun, þarf að mæta í vinnu, en... þó bara í einn dag því svo er ég í fríi á föstudaginn.  Og við Sólveig Kristín ætlum að kíkja á "Drekktu betur" á Langa Manga annað kvöld.  Hljótum að geta svarað bjórspurningunni ;)  Rauðvíns stelpukvöld hjá mér á föstudagskvöld svo það er nóg að gera.

 Svo er stefnan tekin á Reykjavíkina í kjólaleit í janúar.  Þá verður gaman....

                                                     

Bloggvinir

Mér finnst voða gaman að eiga orðið heila tvo bloggvini.  Staðreyndin er hins vegar sú að það er algjör undantekning að ég noti þessa síðu.  Kannski breytist það ef maður á fullt af vinum hér.  Hins vegar vil ég gjarnan benda á hitt bloggið mitt þar sem færslur eru örlítið örari þar en hér. Slóðin er www.blog.central.is/gloppa  Sjáumst þar... ;)

Samúðarkveðjur

Votta öllum þeim sem eiga um sárt að binda vegna þessa hörmulega
sjóslyss, samúðarkveðjur.  Svona slys snertir alla og samkenndin
og hugurinn hjá okkur hér fyrir vestan er ólýsanlegur.  

Sjóslys í Ísafjarðardjúpi: Flak trillunnar dregið að landi